ဖော်ပြချက်
၁ ရက်ကို ၁% ပဲ ပြောင်းလဲကြည့်ပါ ။ တစ်နှစ်နေရင် သင် လုံးဝမမှတ်မိလောက်အောင် တိုးတက်သွားလိမ့်မယ် ။
လူတွေအားလုံးဟာ ဘဝမှာ အောင်မြင်ချင်ကြတယ် ၊ အကောင်းဆုံးဗားရှင်း ဖြစ်ချင်ကြတယ် ။ ဒါပေမဲ့ နေ့တိုင်း အကြီးအကျယ်တွေ လျှောက်လုပ်ဖို့ ကြိုးစားရင်း လမ်းခုလတ်မှာတင် စိတ်ဓာတ်ကျပြီး လက်လျှော့လိုက်ရတာ ဘယ်နှစ်ကြိမ်တောင် ရှိခဲ့ပြီလဲ ။ တကယ်တော့ ဘဝကို ပြောင်းလဲဖို့ဆိုတာ နေ့ချင်းညချင်း တောင်ကြီးကို ဖြိုချပစ်ဖို့ မလိုပါဘူး ။ သေးငယ်လွန်းလို့ သတိတောင်မထားမိတဲ့ နေ့စဉ်အကျင့်လေးတွေကနေပဲ စရတာပါ ။
ဒီနေ့ မျှဝေပေးချင်တာကတော့ ကမ္ဘာတစ်ဝန်းမှာ စောင်ရေ သန်း ၂၀ ကျော် ရောင်းချခဲ့ရပြီး လူပေါင်းများစွာရဲ့ ဘဝကို အမှန်တကယ် ပြောင်းလဲပေးနိုင်ခဲ့တဲ့ James Clear ရဲ့ "Atomic Habits" (အကျင့်ပြင်နည်းအထာ) ဆိုတဲ့ စာအုပ်လေးအကြောင်းပဲ ဖြစ်ပါတယ်။ ဒီစာအုပ်ထဲမှာ စာရေးသူက ဗြိတိန်စက်ဘီးအဖွဲ့ရဲ့ သေးငယ်တဲ့ ပြောင်းလဲမှုလေးတွေကနေ ကမ္ဘာ့ချန်ပီယံ ဖြစ်လာခဲ့ပုံ အပါအဝင် စိတ်ဝင်စားစရာ သာဓကတွေနဲ့ သေချာ ရှင်းပြထားပါတယ်။ "Compound Interest" (နှစ်ထပ်တိုး နိယာမ) အရ နေ့တိုင်း ၁% စီ ပိုကောင်းအောင် လုပ်သွားရင် တစ်နှစ်အကြာမှာ အဆ ၃၇ ဆအထိ ပိုကောင်းမွန်တဲ့ ရလဒ်တွေကို ရရှိမှာ ဖြစ်သလို၊ ပြောင်းပြန်အနေနဲ့ ၁% စီ ပိုဆိုးအောင် နေထိုင်မိရင်လည်း သုညနီးပါးအထိ ဘဝက ကျဆင်းသွားနိုင်တယ်ဆိုတာကို မျက်စိထဲ ကွင်းကွင်းကွက်ကွက် မြင်အောင် ရေးသားထားတာပါ။
"ငါ Gym ဆက်တိုက် သုံးရက်သွားပြီးပြီ ဘာလို့ ဗိုက်မချပ်သေးတာလဲ?"၊ "ငါ ဒီနေ့ စာအုပ်ဖတ်တယ် ဘာလို့ ဘာမှ ထူးမခြားနားသေးတာလဲ?" လို့ တွေးပြီး ကိုယ့်ကိုယ်ကိုယ် စိတ်ပျက်နေတတ်တဲ့အကျင့်ကို ဒီစာအုပ်က အဖြေပေးပါလိမ့်မယ်။ သေးငယ်တဲ့ အလေ့အကျင့်လေးတွေဟာ လက်ရှိမှာတော့ ဘာမှမထူးခြားဘူးလို့ ထင်ရပေမဲ့ အချိန်ကြာလာတာနဲ့အမျှ အရှိန်အဟုန်ပြင်းတဲ့ အင်အားတစ်ခု ဖြစ်လာပြီး သင့်ဘဝရဲ့ ဦးတည်ချက်ကို လုံးဝ ပြောင်းလဲပစ်နိုင်ပါတယ်။ စာအုပ်ထဲမှာ အကျင့်ကောင်းတွေကို ဘယ်လို လွယ်လွယ်ကူကူ တည်ဆောက်မလဲ၊ ကိုယ့်ကို ဒုက္ခပေးနေတဲ့ အကျင့်ဆိုးတွေကို ဘယ်လို ချိုးဖျက်မလဲဆိုတဲ့ လက်တွေ့အသုံးချလို့ရတဲ့ နည်းလမ်းတွေကို ဆရာကျော်ဇောဟန်က ဖတ်ရတာ အရသာရှိရှိ၊ နားလည်လွယ်လွယ်နဲ့ မြန်မာပြန်ဆိုပေးထားပါတယ်။
ကိုယ့်ရဲ့ ငွေကြေးအခြေအနေ၊ ကျန်းမာရေး၊ အသိပညာ ဗဟုသုတနဲ့ လက်ရှိ ရလဒ်တွေအားလုံးဟာ သင့်ရဲ့ နေ့စဉ် "အလေ့အကျင့်တွေရဲ့ နောက်ဆက်တွဲ ရလဒ်" တွေပဲ ဖြစ်ပါတယ်။ အတိတ်က ဘာတွေပဲ ဖြစ်ခဲ့ဖြစ်ခဲ့၊ လက်ရှိအချိန်မှာ အကျင့်ကောင်းလေးတွေကို စတင် ပျိုးထောင်ဖို့အတွက် ဒီစာအုပ်ဟာ ကိုယ့်ရဲ့ အကောင်းဆုံး လမ်းပြမြေပုံ ဖြစ်လာမှာ သေချာပါတယ် ။ ကိုယ့်ကိုယ်ကိုယ် အပြောင်းအလဲတစ်ခု လုပ်ချင်ပြီလို့ ဆုံးဖြတ်ထားရင်တော့ ဒီစာအုပ်ကို မဖြစ်မနေ အိမ်မှာဆောင်ထားပြီး ဖတ်ရှုသင့်ပါတယ်